Павлодар облысының әкімі Асайын Байханов су тасқыны кезінде үйлері зардап шеккен барлық тұрғынға жан-жақты көмек көрсетіліп жатқанын тағы да еске салды.
ERNUR.KZ. Павлодар облысында су тасқынынан зардап шеккен тұрғындарға 370 мың теңгеден өтемақы беріледі. Бұл туралы Павлодар облысының әкімі Асайын Байханов ОКҚ-да мәлімдеді, деп жазады baq.kz.
Су тасқыны салдарынан үйлері зардап шеккен барлық ауыл тұрғындарына жан-жақты көмек көрсетіліп жатыр. Арнайы комиссия келтірілген шығынды анықтап жатыр. Оның соңғы қорытындысы 10 сәуірге дейін шығады. Нәтижесі бойынша зардап шеккен үй иелеріне бюджеттен тыс қаражат есебінен өтемақы төленеді, - деп айтты облыс әкімі брифингте.
Павлодар облысының әкімі Асайын Байханов су тасқыны кезінде үйлері зардап шеккен барлық тұрғынға жан-жақты көмек көрсетіліп жатқанын тағы да еске салды.
Облыстың өзге аудандарында су тасқынынан мүлкі зардап шеккен тағы 71 адамға бюджеттен тыс қорлардан 38 миллион теңге көлемінде төлем жасалды. Сондай-ақ осы аптада зардап шеккендерге 100 АЕК-ке (369 200 теңге) дейінгі мөлшерде біржолғы мемлекеттік әлеуметтік төлем төленеді, - деп түсіндірді әкім.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
