Террористік және экстремистік қылмыстар үшін сотталғандарды дерадикализациялау мәселесі талқыланды

Астана қаласында ҰҚК Төрағасы Кәрім Мәсімов Қазақстан Республикасы Терроризмге қарсы орталығының кезекті отырысын өткізді,-деп хабарлайды ERNUR.KZ ҚР ҰҚК баспасөз қызметіне сілтеме жасап.

Отырыста террористік және экстремистік сипаттағы қылмыстар үшін сотталған адамдарды дерадикализациялау, сондай-ақ оларды бостандыққа шыққан кезде одан әрі әлеуметтік бейімдеудің тиімділігін арттыру бойынша шаралар пысықталды.

Одан басқа, діни экстремизм мен терроризмге қарсы іс-қимыл мәселелері жөнінде қоғамда белсенді азаматтық ұстанымды дамыту бойынша ұсыныстар талқыланды.

ТҚО отырысының қорытындылары бойынша тиісті хаттамалық шешімдер қабылданды.