Осы орайда мемлекет басшысы Қазақстан Ұжымдық қауіпсіздік шарт ұйымының белсенді қатысушысы екенін ерекше атап өтті.
ERNUR.KZ. Қазақстан президенті Қасым-Жомарт Тоқаев қаңтар оқиғасы кезінде Ұжымдық қауіпсіздік шарт ұйымының шектеулі контингенті бірде-бір оқ атпағанын мәлімдеді, деп жазады sputnik.kz.
"Ресейде кейбір адамдар бұл жағдайды бұрмалап, Ресей Қазақстанды "құтқарды", енді Қазақстан Ресейге мәңгі қызмет етіп, аяғына бас июі керек деп жатыр. Ондай пайымдаулардың ешбір негізі жоқ деп ойлаймын, шындыққа да сәйкес келмейді", - деді Тоқаев "Россия 24" арнасына берген сұхбатында.
Осы орайда мемлекет басшысы Қазақстан Ұжымдық қауіпсіздік шарт ұйымының белсенді қатысушысы екенін ерекше атап өтті. Бұған дейін ұйым көбінесе саммит өткізу мен құжат рәсімдеумен шектелетін. Ал бұл жолы тиімді қызмет атқара білді, дейді ол.
