Pegasus арқылы аңдыған адамдардың арасында экс-депутат Владимир Божко, Қауіпсіздік кеңесінің хатшысы Әсет Исекешев және ҚТЖ бұрынғы басшысы Сауат Мыңбаев бар.
ERNUR.KZ. Pegasus тыңшылық бағдарламасының тізімінен тағы үш қазақстандық табылды. Бұл туралы OCCRP сыбайлас жемқорлық пен ұйымдасқан қылмысты зерттеу орталығы хабарлады, деп жазады sputniknews.kz.
Тізімде Кәсіби әскерилендірілген апаттық-құтқару қызметтерінің республикалық орталық штабының бақылау кеңесі басшысының орынбасары Владимир Божко, ҚТЖ бұрынғы басшысы Сауат Мыңбаев және Қауіпсіздік кеңесінің хатшысы Әсет Исекешев жүр.
Оларды 2018 жылдан бері аңдығаны хабарланды.
Еске салсақ, бұған дейін бұқаралық ақпарат құралдарында зерттеудің нәтижесі жарияланған болатын. Оған сәйкес, арнайы қызметтер израильдік NSO Group фирмасының қылмыскерлер мен террористерді аңдуға арналған бағдарламасын әлем бойынша саясаткерлер, бизнесмендер, белсенділер, журналистер мен оппозиционерлерді де аңдуға пайдаланған.
Тізімде Қазақстан президенті, премьер-министр, Алматы әкімі, сондай-ақ бизнесмендер, құқық қорғаушылар мен журналистер бар болып шықты.
Барлығы екі мыңға жуық қазақстандық нөмір тіркелген, оның 92-сі идентификацияланды.
Sputnik Қазақстан редакциясы мемлекеттік органдарға Pegasus тыңшылық бағдарламасына қатысты ресми сауал жолдады. Бірақ әлі жауап келген жоқ.
Алайда 22 шілдеде президент әкімшілігі басшысының бірінші орынбасары Дәурен Абаев Pegasus тыңшылық бағдарламасына қатысты пікір білдірді. Оның айтуынша, бұл – адамның назарын аударатын ақпарат. Бірақ оның ешбір дәлелі жоқ.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
