Бүгінгі таңда қолма-қол шетел валютасымен қамтамасыз ету жағдайы тұрақтанды.
ERNUR.KZ. Ұлттық банк лицензиясыз валюта айырбастаумен айналысу заңға қайшы екенін ескертті, деп жазады sputnik.kz.
Заңнамаға сәйкес, Қазақстан аумағында қолма-қол шетел валютасын айырбастау операцияларын тек екінші деңгейлі банктер мен лицензиясы бар ақша айырбастау пункттері ғана жүргізуге құқылы.
"Ұлттық банк лицензиясыз айырбастау операцияларын жүргізу заңсыз кәсіпкерлік түріне жататынын, ол үшін Қазақстан Әкімшілік құқықбұзушылық туралы кодексінің 155, 463-баптарымен және Қазақстан Қылмыстық кодексінің 214-бабымен әкімшілік және қылмыстық жауапкершілік көзделгенін ескертеді", - делінген ресми хабарламада.
Заңсыз делдалдар, оның ішінде интернет алаңдары мен әлеуметтік желілер арқылы айырбастау операцияларын жүргізуді ұсыну заңсыз болып саналады және жалған монета жасаушылармен мәміле жасау қаупін тудырады.
Банк мүдделі мемлекеттік және құқық қорғау органдарымен бірлесіп, ішкі қолма-қол шетел валютасы нарығындағы жағдайға тұрақты мониторинг жүргізіп келеді.
Қазіргі уақытта Қазақстан Республикасында валюта айырбастаудың, сол сияқты төлем карточкаларын пайдалану, онлайн-банкинг секілді балама түрлері де қарастырылған, олар әлдеқайда қолжетімді әрі 24/7 режимінде қауіпсіз қызмет көрсетеді.
"Бүгінде қолма-қол шетел валютасымен қамтамасыз ету мәселесі тұрақталды, тұрғындар тарапынан сұранысқа қатысты дүрлігу байқалмайды", - деп атап өтті банк мамандары.
Бұған дейін президент жарлығымен шетелге валюта шығару бойынша шектеу енгізілген болатын.
![](/assets/thumbnails/af/af0c83bad496dfbd5531c69edad783ab.jpg ""Байдың қызын алмағанына ренжіп, он жыл бойы қорлап келген" - шымкенттік келіннің шері")
