"Бекіре" кең көлемді акциясы шеңберінде браконьерлерден балық аулауға арналған құрал-жабдықтар, Ф-1 қол гранатасы тәркіленді.
ERNUR.KZ. Ұлттық қауіпсіздік комитеті шекара қызметінің Маңғыстау облысы бойынша департаменті Каспий теңізінде заңсыз балық аулап жүрген Әзербайжанның 4 азаматын ұстады, деп жазады Sputnik Қазақстан.
"Тексеру іс-қимылдары барысында ұсталған тұлғалардан балық аулауға арналған құрал-жабдықтар, сондай-ақ Ф-1 қол гранатасы тәркіленді", - делінген ведомствоның хабарламасында.
Қазақстан Қылмыстық кодексінің 287-бабы 3-бөлігі – "қару-жарақтарды, оқ-дәрілерді, жарылғыш заттары мен жарғыш құралдарын заңсыз алу, беру, қолға түсіру, сақтау, тасымалдау немесе алып жүру" және 392-бабы –"Қазақстан Республикасының мемлекеттік шекарасын қасақана заңсыз бұзу" бойынша қылмыстық іс қозғалды.
Тергеу іс-шаралары жүргізіліп жатыр.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
