Зардап шеккендер бар: Шемонаихада жанармай құю бекетінде жарылыс болды

ERNUR.KZ. Шығыс Қазақстан облысына қарасты Шемонаиха қаласында жанармай құю бекетінде газ жарылыс болып, екі адам ауруханаға жеткізілді, деп жазады azattyq-ruhy.kz.

Төтенше жағдайлар министрлігінің мәліметінше, оқиға бүгін, яғни 22 маусымда қаладағы Украинская көшесінде орналасқан газ баллондарына жанармай құю станциясында болған.

«Жарылыс салдарынан өрт шықты. Өрт салдарынан 5 бірлік техника жойылды. Сағат 14:44-те өрт оқшауланды. Термиялық күйік алған 2 адам ауруханаға жеткізілді», - делінген шұғыл хабарлаимада.

Өрттен тұрғын үйлер мен орман қорына қауіп төнген жоқ.

Өрт ошағын сөндіруге 5 өрт сөндіру автокөлігі және 12 адам жұмылдырылды.