Жоғалған қазақстандық әйелдің туыстары Германияға жолға шықты

17.06.2024 17:28

435

Спикер жоғалған әйелдің туыстарына Германияға виза берілмей, ұшып кете алмайды деген ақпаратты жоққа шығарды.

ERNUR.KZ. 17 маусымда Сыртқы істер министрлігінің ресми өкілі Айбек Смадияров брифингте Германияда жоғалып кеткен қазақстандық әйелді іздеу жұмыстары қалай жүріп жатқанын айтты, деп жазады zakon.kz.

"Туыстары қазірдің өзінде сол жерде, анасы да, ағасы да Германияда, іздеу жүріп жатыр, біз полициямен жұмыс істеп жатырмыз. Жақын арада полициядан ресми ақпарат күтеміз. Әзірге нақты ештеңе айта алмаймын", - деп жауап берді Смадияров.

Журналистер жоғалған әйелдің қызы қайда екенін де нақтылады.

"Шетелдегі дипломаттардың тергеу қызметіне араласуға құқығы жоқ. Вена конвенциясы бізге мұны істеуге рұқсат бермейді.Дегенмен, біз полициямен тығыз байланыстамыз. Туыстары қазір сонда. Барлық егжей-тегжейлі ақпарат туыстарының қолында. Егер олар айтқысы келсе, баяғыда ақпарат беретін еді", - деп қосты ол.

Сыртқы істер министрлігінің хабарлауынша, 2024 жылдың 5 маусымында қазақстандықтар 3 маусымда қызының жоғалып кетуіне қатысты Қазақстанның Майндағы Франкфурт қаласындағы Бас консулдығына хабарласқан.

Жоғалған әйелдің ағасы күйеуі мен қайын енесі тарапынан зорлық көрген болуы мүмкін деп күдіктенеді.