Биыл Шымкентте 70-ке жуық инвестициялық жоба жүзеге асырылып жатыр

21.04.2022 16:04

574

2025 жылдарға дейін өнеркәсіп саласында 540 млрд. теңгеге 7,9 мың жұмыс орнын құрумен 62 жобаның пулы жасақталған.

Шымкент қаласында 2022-2025 жылдар аралығында 2,6 трлн. теңгеге 20 мың жұмыс орнын құрумен 242 инвестициялық жобалардың пулы жасақталған, деп хабарлайды ERNUR.KZ.

Оның ішінде 2022 жылы 240 млрд. теңгеге 2,5 мың жұмыс орнын құрумен 65 инвестициялық жобаны іске қосу жооспарланған.

Олар:

- Өңдеу өнеркәсібінде 52 млрд. теңгеге 16 жоба;

- Ауыл шаруашылығында 14 млрд. теңгеге 13 жоба;

- Сауда саласында 6 млрд. теңгеге 6 жоба;

- Білім, денсаулық сақтау саласында 12,9 млрд. теңгеге 12 жоба;

- Коммерциялық тұрғын үйлерді салу 143 млрд. теңгеге 17 жоба;

- Көлік және туризм саласында 14,1 млрд. теңгеге 2 жоба.

Сонымен қатар, 2025 жылдарға дейін өнеркәсіп саласында 540 млрд. теңгеге 7,9 мың жұмыс орнын құрумен 62 жобаның пулы жасақталған. Бұл өз кезегінде қосымша 150 млрд. теңгенің өнімін өндіруге және 100 млн. АҚШ доллары болатын өнімді экспортқа шығаруға мүмкіндік береді.