"Республика күні": Шымкентте ХҚО қызметкерлері мерекелік іс-шара ұйымдастырды

"Азаматтарға арналған үкімет" Шымкент қаласы бойынша филиалы Республика күніне орай, мерекелік іс-шара ұйымдастырды, деп хабарлайды ERNUR.KZ.

Мерекелік іс-шара аясында ХҚО қызметкерлері таңертеңнен бері клиенттерге Kazakhstan шоколады мен кәдесый ретінде жалаулар таратуда. Қызмет алушыларға мемлекеттік рәміз атрибуты бар тәттілер сыйға тартылды.

Аталған іс-шара ел халқының бірлігін, алдағы ұлттық мерекені қолдау және отандастарымыздың патриоттық сезімдерін ояту мақсатында ұйымдастырылған.

"Мереке күндеріне байланысты сенбі күні Шымкеттік ХҚО-лар мен мамандандырылған «ХҚО-лар әдеттегі жұмыс кестесі бойынша 18:00-ге дейін, ал кезекші ХҚО-лар 20:00-ге дейін жұмыс істейді.Ал, 24 қазан күні тек кезекші ХҚО-лар мен мамандандырылған ХҚО-лар жұмыс істейді. Бұл күні қызмет алушылар сағат 9:00-ден 13:00-ге дейін қабылданады. 23 және 25 қазан - демалыс күндері. 26 қазаннан бастап барлық орталықтар әдеттегі кесте бойынша жұмыс істейтін болады», - делінген хабарламада.

Айта кетейік, науқан бүгін кешке дейін жалғаспақ.

Еске сала кетейік, Шымкенттіктер жүргізуші куәлігін онлайн ауыстыра алады. Жүргізуші куәлігін кез келген уақытта eGov.kz порталы және Kaspi.kz мобильді қосымшасы арқылы ауыстыруға болады. Бұл әдіс ұзын-сонар кезекте тұру мәжбүрлігінен құтқарып қана қоймай, уақытты үнемдеуге де мүмкіндік береді.

Жүргізуші куәлігін онлайн тәртіпте ауыстыру қызметін алу оңай әрі жылдам. Алдымен еgov.kz порталына немесе банк қосымшасына кіріп, өтінішті толтыру қажет. Ары қарай керекті автоХҚО-ны таңдап, электронды цифрлық қолтаңбамен өтінішті растау қажет. Өтінішпен қоса фотосурет және қойған қолының скан-суреті де жолданады. SMS хабарлама келген соң таңдаған автоХҚО-ға барып, дайын жүргізуші куәлігін алып кетуге болады.

Егер жүргізуші куәлігіңіздің мерзімі өтіп кетсе, психиатрлық және наркологиялық диспансерден анықтама, 073-нысандағы медициналық анықтаманы ұсыну қажет.