ШЫМКЕНТ: Биыл көшелерді жарықтандыру көрсеткіші 57%-ға жетеді

25.04.2022 16:34

1 522

Яғни, 102 көше, 2023 жылы 106 көшеге жарықшамдар орнатылады.

Шымкент қаласында өткен жылы көшелерді жарықтандыру көрсеткіші 43,4 пайызға жетті, деп хабарлайды ERNUR.KZ.

Қала әкімі М.Әйтенов бүгін Еңбекші ауданы тұрғындарымен кездесуде биыл да бұл бағытта тиісті жұмыстар атқарылатынын мәлімдеді.

2022 жылы қала көшелерін жарықтандыру көрсеткішін 57 пайызға жеткізу межеленіп отыр. Яғни, 102 көше, 2023 жылы 106 көшеге жарықшамдар орнатылады.

Еңбекші ауданының II сектор аумағында биыл 14 көшені жарықтандыру жоспарланған болатын. Қазіргі таңда Жалын (Дачная), Жұлдыз (Дегерес, Асубұлақ) елді мекенінде көшелерге жарықшамдар қойылды.

Жыл соңына дейін Қаратөбе (Қапал батыр, Амур аға), Бадам-2 (Құрманғазы, Бердалиев, Жұлдыз, Қаражал), Қарабастау елді мекендері (Қайып ата), Оңтүстік (Саяжол), Жас дәурен (Құрбан ата), 11 шағынаудан көшелері (Ішкі орам), Қойгелді батыр көшелері жарықтандырылады.

Еңбекші ауданында жалпы 92 көше (166,6 шақырым) жарықтандырылған. 2022 жылы 34 көше (51,1 шақырым), 2023 жылы 37, 2024 жылы 40, 2025 жылы 45 көшені жарықтандыру жұмыстары жүргізіледі. Жалпы биыл жарықтандыру көрсеткішін 31,0 пайызға жеткізу жоспарланып отыр.