ШЫМКЕНТ: Опера және балет театры аумағында өрт шықты

Шымкенттегі опера және балет театрынан өрт шықты деп хабарлайды ERNUR.KZ тілшісі.

Түркістан облыстық мәдениет басқармасына қарасты театрда сәндік бұйымдар, кілем, жастықтар, ағаш баспалдақ пен баннер жанып кеткен. Тілсіз жау сағат 15.40- та оқшауланып, 15.45-те толық сөндірілген. Өрт салдарынан жарақат алған немесе қайтыс болғандар жоқ.

"16 маусымда сағат 15:25-те «101» пультіне Абай ауданы, Асқаров көшесіндегі облыстық опера және балет театрының аумағында сәндік бұйымдар жанғаны туралы хабарлама кеп түскен. Өрттің жалпы көлемі 25 ш.м. құрады. Абай ауданы ТЖ бөлімінің және «Өрт сынақ зертханасының» қызметкерлері өрттің себептерін анықтауда. Оқиға орнына 12 бірлік техника мен жеке құрамында 44 адам жұмылдырылды,"- деп мәлімдеді Шымкент қалалық төтенше жағдайлар департаментінің ішкі және сыртқы коммуникациялар тобы.