ШЫМКЕНТ: Жастарға берілетін тұрғын үйлерге құжат қабылдау мерзімі ұзартылды

11.12.2019 08:33

1 225

Үшінші мегаполис жастарының назарына!

Шымкент қаласы әкімдігі 2019 жылы 11-20 желтоқсан аралығында жастарға жалға берілетін тұрғынжайларға өтінімдер қабылдайды, деп хабарлайды ERNUR.KZ.

Шымкент қаласы әкімдігі 2019 жылы 11-20 желтоқсан аралығындағы жұмыс күндері сағат 9:00 мен 19:00 аралығында Жастар жылы аясында жұмыс істейтін жастарға сатып алу құқығынсыз жалға берілетін тұрғынжайларға өтінімдер қабылдайды.

Өтінімдер:

жұмыс істейтін және 29 жасқа толмаған;
Шымкент қаласында соңғы 2 жылда тұрақты тіркеуде тұрған;
Соңғы 2 жылда тұрғын үйге меншік құқығы тіркелмеген;
Ай сайынғы табысы 40 АЕК (101 000 теңге) кем емес және банктегі жинақ (депозиттік) шоты бар жастардан қабылданады.

Ескертпе: егер құжат тапсырушы үміткердің айлық табысы 40 АЕК-тен кем болса, ол кепілдік беруші тұлға ретінде жұбайының/зайыбының табысын ұсына алады. Тұрғынжайлар сатып алу құқығынсыз 5 (бес) жыл мерзімге жалға беріледі.

Бағдарламаға қатысу үшін төмендегі құжаттарды:

1) Нысан бойынша өтініш;

2) Өтініш берушінің жеке басын куәландыратын құжаттың көшірмесі

3) Білімі туралы құжаттың көшірмесі;

4) неке қию туралы куәліктің көшірмесі (бар болса);

5) балалардың туу туралы куәлігінің (терінің) көшірмесі (бар болса);

6) өтініш берушіге және отбасының барлық мүшелеріне жылжымайтын мүліктің жоқ (бар) екендігі туралы анықтама;

7) жұмыс орнынан анықтама;

8) өтініш берушінің ай сайынғы табысын кемінде 40 (қырық) айлық есептік көрсеткіш мөлшерінде растайтын соңғы алты ай ішіндегі табысы туралы анықтама;

9) Қазақстан Республикасы Еңбек кодексінің 35-бабына сәйкес еңбек өтілін растайтын құжаттар

10) банктік шоттың болуы және нөмірі туралы анықтама және банктік шот бойынша ақшаның қалдығы және қозғалысы туралы үзінді;

11) өтініш берушінің түрлі қызмет салаларындағы жеке жетістіктерін растайтын құжаттарды (бар болса) ұсынуыңыз қажет.