Шымкентте алғашқы цифрлық банктің филиалы ашылды

Бүгін Шымкент қаласында Қазақстандағы алғашқы цифрлық банктің 6-филиалы ашылды, деп хабарлайды ERNUR.KZ.

Бүгін Шымкент қаласында Қазақстандағы алғашқы цифрлық банктің 6-филиалы ашылды. Елбасының «Цифрлық Қазақстан» мемлекеттік бағдарламасы аясында жұмысын бастаған қаржы ұйымының ашылу салтанатына Қытай Халық Республикасының Қазақстан Республикасындағы елшісі Чжан Сяо мен қала әкімі Ерлан Айтаханов қатысты.

Шымкент қаласының тұрғындары мен банк қызметкерлерін жаңа банктің ашылуымен құттықтаған қала басшысы заманауи технологиялық трендтер қаржы саласын өзгертетінін атап өтті.Іс-шараға

«Бүгінгі таңда банктердің 70% жеке және заңды тұлғаларға интернет пен мобильдік банкинг арқылы қызмет көрсетсе, банктердің 55% өз қызметтерін мобильді қосымша незізінде ұсынады. Бұл нарыққа өңірлік инвесторлардың қол жеткізуін жеңілдетіп, инвесторларға әлемнің кез келген нүктесінен қазақстандық қор нарығында қаржы құралдарымен сауданы жүзеге асыруға мүмкіндік береді», - деді қала әкімі.

«Altyn Bank» АҚ құрған бренд жеке тұлғаларға қызмет көрсету бойынша толыққанды сандық банк саналады. Басты артықшылықтары – 24/7 режиміндегі қызметтердің қолжетімділігі, ыңғайлы жағдайлар мен инновациялық сандық мүмкіндіктер.

Барлық өнімдері мен процестері яғни, шотты ашу мен дебеттік картаны шығару, халықаралық валюта аударымын жіберу мен кепілсіз кредит алғанға дейінгі қызмет онлайн режимде жұмыс істейді.