Тілсіз жау Шымкенттегі аялдаманың бірін жалмады.
Шымкент қаласы Темірлан тас жолы бойында орналасқан аялдаманың шатырынан өрт шыққан, деп хабарлайды ERNUR.KZ тілшісі.
"2019 жылғы 10 маусымда сағат 22.32-де шұғыл кезекшілердің басқару пультіне Темірлан тас жолы бойында өрт туралы хабарлама келіп түскен. Оқиға орнында анықталғаны «Тойота Орталығы» автосалонға қарама-қарсы тұрған аялдамада көлемі 2 шаршы метр пластик шатыры жанған. Сондай-ақ, көлемі 5 шаршы метр темір будканың ішінде оттың салдарынан 3 тоназытқаш, темір есік, 1 ағаш үстел жарамсыз болған. Қайтыс болғандар мен зардап шеккендер жоқ,"- деп хабарлайды Шымкент қалалық төтенше жағдайлар департаментінің баспасөз қызметі.
Тілсіз жау сағат 22.42-де оқшауланып, сағат 22.56-да толық сөндірілген. Қызыл жалынды ауыздықтауға өрт сөндіру қызметінің жеке құрамынан 14 адам, 3 техника, Медицина апаттар орталығы мен Полиция департаментінің қызметкерлері жұмылдырылған.
