Шымкентте кәмелет жасқа толмаған жаяу жүргіншіні қағып өлтірген күдікті ұсталды

Шымкент қаласында кәмелеттік жасқа толмаған жаяу жүргіншіні қағып өлтірген күдікті ұсталды, деп хабарлайды ERNUR.KZ.

2020 жылдың 26 наурызында "Opel-Vektra" маркалы автокөлігінің иесі, кәмелетке толмаған жаяу жүргіншіні қағып кетіп, оқиға орнынан ізін суытқан. Нәтижесінде кәмелет жасқа толмаған жаяу жүргінші қайтыс болды.

Учаскелік инспектор тез арада аталған автокөлікті іздестіруге кірісіп, жедел-іздестіру іс-шараларын жүргізу барысында аталған ЖКО-на қатысы бар автокөлік пен оның жүргізушісін ізін суытпай анықтады.

Жайт бойынша ҚР ҚК-нің 345-бабы (Автомобильді, троллейбусты, трамвайды немесе басқа да механикалық көлік құралын жүргізуші адамның жол қозғалысы немесе көлік құралдарын пайдалану ережелерін бұзуы абайсызда адам өліміне алып келген) және 347-бабы (жол-көлік оқиғасы болған жерден кетіп қалу) бойынша сотқа дейінгі тергеу басталды. Автокөлік айып тұрағына қойылды.

Іс бойынша сотқа дейінгі тергеп-тексеру қала прокуратурасының бақылауында.

ҚР ҚІЖК-нің 201-бабына сәйкес сотқа дейінгі тергеп-тексеру барысы жария етілмейді.