Бұл туралы Шымкент қалалық терроризмге қарсы күрес жөніндегі жедел штабы мәлімдеді.
иллюстрациялық сурет: ашық дереккөзден
"Шымкент-терроризмге қарсы-2022" оқу-жаттығуы өтеді, деп хабарлайды ERNUR.KZ.
Бұл туралы Шымкент қалалық терроризмге қарсы күрес жөніндегі жедел штабы мәлімдеді.
Аталған іс-шараның мақсаты-әртүрлі дағдарыстық жағдайларға, оның ішінде террористік көріністермен бірге әрекет ету жөніндегі міндеттерді орындауға күштер мен құралдардың дайындығын тексеру.
"2022 жылы 14 қазаны 09:00-11:00 сағат аралығында оқу-дала орталығының (Ақтас) аумағында терроризмге қарсы күрес жөніндегі қалалық жедел штаб құқық қорғау және жергілікті атқарушы органдармен бірлесіп "Шымкент-терроризмге қарсы-2022" терроризмге қарсы оқу-жаттығуын өткізуді жоспарлап отыр. Жаттығу әр түрлі қиындық элементтерімен жауынгерлік жағдайларға мүмкіндігінше жақын. Осыған байланысты, азаматтарды өткізілетін оқу іс-шараларына түсіністікпен қарауға, қауіпсіздік шараларын сақтауға, тек ресми ақпарат көздеріне сенуге және халық арасында жалған ақпарат таратуға жол бермеуге шақырамыз", - делінген хабарламада.
