ҚР ІІМ Ұлттық ұланы 6506 әскери бөлімінің әскери қызметшілері Шымкентте қоғамдық тәртіпті қамтамасыз ету кезінде адасқан бес жасар баланы байқап, оны әпкесіне тапсырды.
Оқиға 11 шілдеде кешкі сағат 20:40 шамасында болды. Әскери жасақ бастығы қатардағы жауынгер Өркен Серікбай патрульдік қатардағы жауынгерлер Мадияр Тоқтаев пен Жахангер Жарылқаппен бірге «Шымсити» саябағында қоғамдық тәртіпті сақтау бойынша қызметін атқару кезінде ересектердің қарауынсыз жүрген баланы байқады.
- Балаға жақындаған кезде біз оның әпкесімен бірге жүргенін және оны жоғалтып алғанын білдік. Баланы тыныштандырып, біз болған оқиға туралы әскери жасақ бойынша кезекшіге хабарладық және бірден әпкесін іздеуге кірістік. 15 минуттан кейін біз баланың әпкесін тауып, баланы қайтардық, - деді әскери жасақ бастығы қатардағы жауынгер Өркен Серікбай.
Өз кезегінде, баланың әпкесі осындай асыл әрекеті үшін әскери жасақ құрамына үлкен алғысын білдірді.
Айта кету керек, бұл мұндай бірінші жағдай емес. Ағымдағы жылдың басынан бастап ұландықтар қырағы қызметтің арқасында жоғалған балаларды бесінші рет тауып, туыстарына қайтарды.
