Шымкентте запасқа шығарылған әскери қызметшілерді салтанатты күтіп алды

16.04.2025 11:15

260

Шымкент қаласының теміржол вокзалында Қазақстан Республикасы Қарулы күштерінің Десанттық-шабуылдау әскерлерінде қызметін аяқтаған мерзімді қызмет әскери қызметшілерінің салтанатты кездесуі өтті.

Іс-шараны қалалық қорғаныс істері жөніндегі департаменті ұйымдастырып, Ұлы Отан соғысындағы Жеңістің 80-жылдық мерекесіне үйлестірді.

Іс-шараның басты мақсаты әскери борышын адал атқарған сарбаздарды құрметтеу ғана емес, сонымен қатар жастар арасында патриоттық рухты нығайту және әскери қызметтің беделін арттыру болды.

Вокзалда сарбаздарды жергілікті әскери басқару органдарының өкілдері, Қарулы күштердің ардагерлері, әскери қызметшілердің ата-аналары, сондай-ақ мереке атмосферасын құрған әскери оркестр бас қосты.

- Бұл қызықты сәт. Десанттық-шабуылдау әскеріндегі қызмет - бұл біздің табандылықты шыңдаған және әрбір әрекетіміз үшін жауапкершілік сезімін оятқан үлкен тәжірибе. Біз көп нәрсені бастан өткеріп, күшейіп, жетілдік. Бүгін мен осы жауынгер бауырластықтың бір бөлігі болғанымды мақтан тұтамын. Менің бірнеше әріптестерім келісім-шарт бойынша сол бөлімде қызмет етуді жалғастыруға шешім қабылдады. Өзім де 3-4 айдан кейін туған жерім Шымкентте келісімшарт бойынша әскер қатарына қайта оралуды ойлап жүрмін, - деп өз әсерімен бөлісті мерзімді қызметтін аяқтаған қатардағы жауынгер Аят Қайртаұлы.

Шымкент қаласының қорғаныс істері жөніндегі департаментінің бастығы полковник Әбдіғабит Шегебаев әскери қызметшілерге құттықтау сөз сөйлеп, жылы лебізін жеткізді.

- Біз әрқайсыңызбен мақтанамыз. Тәртіптің, ерлік пен Отанға адалдықтың үлгісін көрсете отырып, әскери борыштарыңызды абыроймен атқардыңыздар. Армия мен қоғам арасындағы байланысты нығайта түсетіндіктен, мұндай кездесулердің дәстүрге айналуы маңызды. Қызмет барысында алған біліміңіз бен дағдыларыңыз алдағы өмірде сіз үшін берік негіз болатынына сенімдімін, - деді ол.

Ресми бөлім аяқталғаннан кейін запасқа шығарылған әскери қызметшілер отбасылары мен достарының қолдауымен үйлеріне қайтты, олар өмірлерінің ұмытылмас парағын - елдің элиталық әскерлерінде қызметін артта қалдырды.

Әскери қызметтен өткен азаматтар үшін жұмысқа орналасуға және жоғары білім алуға жаңа мүмкіндіктер ашылатынын атап өту маңызды. Олар ЖОО-ға ҰБТ тапсырусыз түсе алады, ал жауынгерлік даярлық үздіктері грант бойынша тегін негізде оқуға мүмкіндік алады.

Шымкент гарнизонының баспасөз қызметі