Шымкентте жалдамалы пәтерден 23 жастағы қыздың мәйіті табылды

30.11.2021 15:03

575

Қазіргі уақытта сотқа дейінгі тергеп-тексеру амалдары жүргізілуде.

Шымкент қаласында жалдамалы пәтерден 23 жастағы қыздың денесі табылды, деп хабарлайды ERNUR.KZ

Бұл туралы Шымкент қаласы Полиция Департаментінің баспасөз қызметі мәлімдеді.

Ағымдағы жылдың 30-қарашасында сағат 10:05-те Әл-Фараби ауданының Полиция басқармасына Тыныбаев көшесінде орналасқан көпқабатты үйдің пәтерінен әйел мәйіті табылғаны туралы хабарлама түскен.

Тексеру барысында жедел-тергеу тобы 1998 жылы туылған азаматшаның аталған пәтерді 2021 жылдың 30-қарашасында таңғы сағат 07:00-де жалға алғанын анықтады.

Оқиға орнынан қайтыс болған азаматшаның жеке заттары тәркіленіп, қол саусақтарының іздері алынды.

Сот-медициналық сараптама тағайындалды. Қазіргі уақытта сотқа дейінгі тергеп-тексеру амалдары жүргізілуде.