Шымкенттік оқушыларға «Өрт қауіпсіздігі» қойылымы көрсетілді

ERNUR.KZ. Төтенше жағдайлар департаментінің мамандары балаларға өрт қауіпсіздігінің алдын алуды ерекше тәсілмен түсіндірді, деп жазады 24.kz.

Бұл күні шаһардағы қуыршақ театры бастауыш сынып оқушыларына «Өрт қауіпсіздігі» атты танымдық қойылым көрсетті. «Үй жануарлары арасындағы оқыс оқиғадан туындайтын шағын спектакль жасөспірімдерге ой салары анық», – дейді ұйымдастырушылар. Төтеншеліктер жыл басынан бері 7 өрт оқиғасының тіркелгендігін айтады. Салдарынан 2 адам қайтыс болып, бір азамат түрлі дене жарақатын алған. Ал өткен жылы шаһарда 186 өрт оқиғасы тіркелді.

Ақерке Қайратқызы, оқушы: - Бүгінгі спектакль маған қатты ұнады. Осы спектакльді ұйымдастырған ағаларға өз алғысымды білдіремін. Бұл қойылымнан өрт қауіпсіздігіне байланысты көптеген мәліметтер алдым. Алдағы уақытта өрт болған жағдайда өртке қарсы дұрыс іс-әрекет жасай аламын. Егер осы қойылымды барлық оқушылар көрсе, балалар тарапынан өрт қауіпсіздігі сақталады деп ойлаймын.