«Арсенал» клубының бас бапкері тағайындалды

ERNUR.KZ. Испаниялық маман Унаи Эмери Лондонның "Арсенал" клубының жаңа бас бапкері болды.

Эмери «Севилья», «Спартак», «Валенсия», «Альмерия» және «Лорк» командаларында жұмыс жасаған. Ол соңғы жұмыс орнында Францияның "Пари Сен Жермен" ұжымымен 2 маусымда 7 титул жеңіп алған болатын.

46 жастағы испаниялық маманның "Севильямен" 3 рет Еуропа лигасын жеңіп, аты шыққан еді.

Естеріңізге сала кетсек, "Арсеналды" 22 жыл басқарған Арсен Венгер 2017-2018 жылғы маусым аяқталған соң бас бапкерлік лауазымынан кеткен болатын.

фото ашық дерекөздерден алынды