Бүкіләлемдік күрес ұйымы қазақстандық чемпионды ең үздік жас балуандар тізіміне қосты

30.11.2023 15:23

585

Ризабек Айтмұхан еркін күрестен қазақтан шыққан тұңғыш әлем чемпионы.

ERNUR.KZ. Бүкіләлемдік күрес ұйымы (UWW) әлеуметтік желіде болашағынан үміт күттіретін үздік бес балуанды атады, деп жазады vesti.kz.

"Жұлдызы енді жанып келе жатқан осы бес балуанға назар салу керек. Олардың қайсысы Олимпиада медалін бірінші болып жеңіп алады?", - делінген жазбада.

Үздік балуандар тізбегінде еркін күрестен әлем чемпионы Ризабек Айтмұхан, бахрейндік Ахмед Тажудинов, әзербайжандық Хасрат Жафаров, жапониялық Акари Фуджинами мен америкалық Амит Элор бар.

Айта кетелік, Ризабек Айтмұхан еркін күрестен қазақтан шыққан тұңғыш әлем чемпионы. Ол Белградтағы әлем чемпионатында 92 келі салмақта топ жарды. Жақында бас бапкер балуанның олимпиадалық салмақ саналатын 97 келіге ауысқанын мәлімдеді.