«Қайрат» футбол клубының бас бапкері қызметінен кетті

29.04.2024 17:15

388

Кирилл Кекер негізгі команданы 2022 жылдың маусымынан бастап басқарды.

ERNUR.KZ. Алматылық «Қайрат» футбол клубының бас бапкері Кирилл Кекер қызметінен кетті, деп жазады azattyq-ruhy.kz.

«44 жастағы маман өз бетімен жұмыстан кетемін деген шешім қабылдады. Кирилл Сергеевич «Қайрат» ФК жүйесінде жұмысын жалғастыра беретінін айта кетейік», - делінген хабарламада.

Кекер негізгі команданы 2022 жылдың маусымынан бастап басқарды. Оның жетекшілігімен «сары-қаралар» 60 матч өткізіп, оның 29-ында жеңіске жетіп, 15 кездесуде тең түсіп, 16 рет қарсыластарына есе жіберген. Осы кезеңде «Қайрат» ФК Академиясының 13 түлегі негізгі команда сапында дебют жасады.

Алдағы 4 мамырда өтетін «Атыраумен» болатын матчқа команданы бұған дейін «Қайрат-Жастарды» басқарған Рафаэль Уразбахтин дайындайды.