Бокстан суперорта салмақтағы абсолютті әлем чемпионы мексикалық Сауль «Канело» Альварес рингте бокспен айналысып қана қоймай, әдемі билей алатынын көрсетті.
ERNUR.KZ. Әсіресе, қазақы ырғақтаға билейтінін, өз жаттығуларында анық көрсетті, деп жазады zakon.kz.
Әлемнің абсолютті чемпионымен бірлескен оқу-жаттығу жиынында болған қазақстандық былғары қолғап шеберлері ғаламшардағы ең үздік боксшылардың бірінің қызу қимылдарына куә болды. Ал боксшыларымыздың бірі Бек Нұрмағанбет «Меховая 8/1» тобының «Тойға шашу» әніне өз нұсқасын көрсетіп, Канеломен биледі.
"Әлемге әйгілі боксшы, талассыз чемпион, серіктесіміз Сауль "Канело" Альвареспен өткізген жаттығуымыз жігіттер үшін үлкен тәжірибе болды. Жаттығудың әр сәті пайдалы әрі қызықты өтті. Әйгілі былғары қолғаппен бір бөлмеде жаттығу екі ел арасындағы ынтымақтастықтың артуына әкелді. Канело қазақ еліне және өнеріне үлкен құрметпен қарайды. Ол әсіресе би билегенді жақсы көреді, қазақ әндерінен керемет әсер алады".Suleimen Promotions
Өздеріңіз білетіндей, мексикалықтар қазақстандықтарды аты аңызға айналған боксшымыз Геннадий Головкинге қарсы трилогиямен еске алады, онда тең есеп және «Канело» үшін екі жеңіс тіркелген.
Промоутер Эдди Хирннің айтуынша, Альварестің 2023 жылға жоспарланған екі жекпе-жегі бар. Көктемде британдық Джон Райдермен рингке шыққысы келеді, ал күзде WBA Regular тұжырымы бойынша жартылай ауыр салмақтағы чемпиондық титулдың иегері ресейлік Дмитрий Биволмен реванш жекпе-жек өткізгісі келеді.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
