Ол WBO рейтингінде үздік 15 боксшының қатарында тұр.
ERNUR.KZ. Венгриялық штван Сили (24-2-2, 12 КО) екінші орта салмақта өнер көрсететін қазақстандық боксшы Айдос Ербосынұлымен кездесу өткізуден бас тартты, деп жазады Vesti.kz.
Олардың кездесу желтоқсан айында Атырау қаласында өтуі керек болады. Бірақ қарсылас кездесуге шығудан бас тартқан. Дереккөздің ақпараты бойынша, венгриялық боксшы коронавиусқа байланысты Қазақстанға келгісі келмеген. Ол қазір Швейцарияда жаттығу жұмыстарын жалғастырып жатыр екен. Сили қазіргі уақытта Еуропа елдерінің бірінде өтетін бокс кешінде өнер көрсетуге ниетті.
Дегенмен бұл жағдайға қарамастан WBC Asia, WBA International және WBO Global белбеуінің иегері Ербосынұлының командасы жыл соңына дейін бір кездесу өткізуді ойластырып отыр. Олар қазір жаңа қарсылас қарастырып жатыр.
Еске салайық, бұған дейін қазақстандық боксшы алдағы кездесуінде WBO ұйымының әлемдік рейтингінде үздік 15 боксшының қатарына кіретін қарсыласпен жекпе-жек өткізетінін айтқан болатын. Бұл кездесу Атыраудағы бокс кешінің басты жекпе-жегі де болуы керек еді.
Айта кетейік, Ербосынұлы өзінің соңғы кездесуін 26 шілде күні Минск (Беларусь) өткізіп, неміс жігіті Нуху Лавалемадан айланын асырды.
