Волейболдан әлем чемпионатында Қазақстан құрамасы 23-ші орынға тұрақтады

0
613

Қазақстандық волейболшылар әлем чемпионаты финалдық сатысында бесінші мәрте бақ сынады.


Волейболдан әлем чемпионатында Қазақстан құрамасы 23-ші орынға тұрақтады

ERNUR.KZ. Қазақстан құрамасының қатысуымен өткен волейболдан әйелдер арасындағы әлем чемпионатында жеңімпаз анықталды, деп жазады ҚазАқпарат.

Финалда Сербия құрамасы Бразилиядан 3:0 есебімен басым түсті. Ал үшінші орын үшін сайыста Италия АҚШ-ты дәл сондай есеппен тізе бүктірді.

Дүбірлі дода Нидерланд және Польша мемлекеттерінде 23 қыркүйек пен 15 қазан аралығында өткізілді. Онда барлығы 24 құрама қатысып, төрт топта бақ сынады.

Қазақстандық волейболшылар С тобында сынға түсті. Топтық кезеңде АҚШ, Сербия, Германия, Болгария және Канада құрамаларымен сынға түсіп, олардың барлығына есе жіберді.

Осылайша жалпы командалық есепте 23-орынға тұрақтады.

Қазақстандық волейболшылар әлем чемпионаты финалдық сатысында бесінші мәрте бақ сынады. Бұдан бұрын жалпы командалық есепте 2018 жылы – 17, 2010 жылы – 21, 2014 жылы – 15, 2018 жылы – 24-орынға жайғасқан болатын.