Жарлық қол қойылған күнінен бастап қолданысқа енгізіледі.
Мемлекет басшысы Түркістан облысындағы төтенше жағдайдың күшін жою туралы қаулы шығару, деп хабарлайды ERNUR.KZ.
Президент Қасым-Жомарт Тоқаев «Төтенше жағдай туралы» Қазақстан Республикасы Заңының 9-бабына сәйкес, Түркістан облысындағы төтенше жағдайдың күшін жою туралы қаулы шығарды.
«Түркістан облысында төтенше жағдайды енгізу туралы» Қазақстан Республикасы Президентінің 2022 жылғы 5 қаңтардағы № 742 Жарлығымен енгізілген Түркістан облысының шекараларындағы төтенше жағдайдың күші 2022 жылғы 14 қаңтардағы 18 сағат 00 минуттан бастап жойылсын. Осы Жарлық қол қойылған күнінен бастап қолданысқа енгізіледі», - делінген Ақорданың ресми сайтында.
