ТҮРКІСТАН: Ордабасы ауданында көгалдандыру жұмыстары қарқынды жүргізіліп жатыр

Ордабасы ауданының әкімі көгалдандыру жұмыстарын тексерді, деп хабарлайды ERNUR.KZ.

Түркістан облысы Ордабасы ауданының әкімі Нұрбол Тұрашбеков аудан орталығындағы абаттандыру-көгалдандыру жұмыстары жүргізіліп жатқан аумақтарды аралап, жұмыс қарқынын тексерді.

Жалпы қазіргі таңда орталық көшелерде, орталық саябақта және шатқалдарда 8 түрлі ағаштың 11 мың түп көшеті, 12 түрлі гүлдердің 34 мыңға жуық көшеті егіліп, оларды суғарып баптауға 5 техника бекітілген. Көгалданған аумақтың 7,5 шақырымы су ұңғымалары арқылы суғарылуда.

Сондай-ақ, "Темірлан абаттандыру" КММ директоры Салтанат Алибаеваның мәлімдеуінше Темірлан ауылындағы орталық алаң айналасын көгалдандыру-абаттандыру үшін жері әзірленуде.