ТҮРКІСТАН: Сайрам ауданында денсаулық фестивалі өтті

Сайрам ауданында «Денсаулық - зор байлық» атты челлендж өтті, деп хабарлайды ERNUR.KZ.

Сайрам ауданында білім бөлімінің ұйымдастыруымен «Денсаулық - зор байлық» атты денсаулық фестивалі және дене сергіту челленджі болып өтті.

Спорттық іс-шараға Сайрам ауданы білім бөлімінің басшысы Гүлнар Тынымбаева және бөлім қызметкерлері, сондай-ақ бөлімге қарасты мектеп директорлары мен балабақша меңгерушілері қатысты.

Фестивальде бөлім басшысы Гүлнар Тынымбаева құттықтау сөз сөйлеп, спорттық іс-шараның маңыздылығын айтып, қатысушыларға сәттілік тіледі.

Аталған шара шахмат және футбол ойындарымен жалғасын тапты.

Көпшіліктің көңілінен шыққан бұл спорттық шара жалғасын табатын болады.