Түркістанда тағы бір қонақүй қолданысқа беріледі

Түркістан қаласында тағы бір қонақүйдің құрылысы аяқталады, деп хабарлайды ERNUR.KZ.

Түркістан қаласында тағы бір жаңа заманауи қонақүйдің құрылысы аяқталуға жақын. Мәдени-рухани орталықта бой көтерген «Medina palace» қонақүй кешенінің құрылысы алдағы көктемде аяқталып, пайдалануға берілмек.

Жалпы, Түркістанның әкімшілік-іскерлік орталығы аумағында ғана емес, барлық бөлігінде инфрақұрылым жақсартылып, нысандар салынып, абаттандырылып, тұрғындарға қолайлы жағдай жасалып жатыр. Шаһарды туризмнің орталығына айналдыруда бұл бастамалардың маңызы зор.