Түркістандық оқушылар екі жарыста жеңімпаз атанды

Түркістандық оқушылар екі бірдей байқаудың жеңімпазы атанды, деп хабарлайды ERNUR.KZ.

Мақтаарал ауданының адами әлеуетті дамыту бөлімінің басшысы Серікбаев Мұратбек Төлепұлы Төлеби ауданындағы «Тау самалы - Балдаурен» сауықтыру орталығында Облыстық адами әлеуетті дамыту басқармасының «Балалар жылы» аясында ұйымдастырған «КазРобоСпорт-22» облыстық байқауының және Түркістан қаласындағы Назарбаев интелектуалды мектептерінің ұйымдастыруымен өткен «World Robot Olympiad – 2022» сайыстарының жеңімпаздарын марапаттады.

Аталған байқауларда Мақтаарал ауданының намысын қорғаған №5 мектеп - гимназиясынан құралған командалар жүлделі I, II және III орындарға ие болды. Осы орайда бөлім басшысы М.Серікбаев осы жылдың 29-30 маусым аралығында өтетін байқаудың республикалық кезеңіне жолдама алған жеңімпаз оқушыларға сәттілік тілеп, алдағы уақытта да жеңіспен оралатындарына үлкен сенім білдірді.