Абай облысында үш ауылдың тұрғындары эвакуацияланды

ERNUR.KZ. Абай облысында үш ауылдың тұрғындары эвакуацияланды, деп жазады azattyq-ruhy.kz.

Бұлақ ауылынан Семей қаласына тағы бір ауылдың тұрғындары көшірілді. Тұрғындар азық-түлікпен және бірінші кезекте қажетті заттармен қамтамасыз етілген.

Сонымен қатар, өрт болған жерде әкімдік еріктілермен бірлесіп тұрғындарға жан-жақты көмек пен қолдау көрсететінін айтты.

«Кеше қатты түтін шығып, әкімдік ТЖ қызметкерлерімен бірге бізді эвакуациялады. Эвакуация жақсы өтті, бізді автобуспен Семей қаласына жеткізді. Мұнда бізге өрт аяқталғанша күту үшін қажет нәрсенің бәрі бар», - деді Жиенгүл Құрмашова.

Кеше түнде орман өртінің қалың түтініне байланысты Семей қаласына қарасты Бұлақ ауылының 80-ге жуық тұрғыны эвакуацияланды. Адамдар эвакуациялық пункттерге орналастырылып, азық-түлікпен және қажетті заттармен қамтамасыз етілді. Бүгінгі таңда Семей қаласының үш эвакуациялық пунктінде 150-ге жуық адам тұрып жатыр. Талица, Половинки, Бұлақ ауылының тұрғындары орналасқан қауіпті аймақтан көшірілді. Жалпы қалада 9 эвакуациялық пункт ашылды. Олар қажет болған жағдайда 800-ге жуық адамды қабылдауға дайын.